462                                                   REGISTRES
Lettres missives dud. S-T envoyées depuis le retour desd. S™ Eschevins -1', et sur le tout avoir avis et de­liberation; en laquelle Assemblée sont comparuz :
monsr Perrot, Prevost des Marchans;
monsr Boursier, monsr Du Ru : Eschevins ;
monsr de Villabry, monsr m0 Thomas de Brage­longne, monsr de Montmirel, sire Denis Berthelemy, monsr Du Saulsay, monsr de Jumeauville, mons' Paluau, sire Claude Le Sueur, sire Guillaume Lar­cher, sire Pierre Croquet, me Jehan Sanguyn : Con­seillers de lad. Ville;
Apres avoir entendu par les dessusd, le contenu en lad. commission et autres causes pour lesquelles ilz estoient convoquez, a esté conclud que l'on doibt envoyer aud. Ssr l'estat des venditions et allienations
DU BUREAU                                                 [i556]
dont mention est faitte esd. Lettres, simples sans nommer et specifier les personnes qui ont acquis rentes sur lesd, assignations ; par ce que cy après sur-venoit affaire aud. Sgr pour recouvrer deniers, il y auroit doubte que Ies particulliers de lad. Ville eussent craintle d'acquérir rentes comme ilz ont faict cy devant, au grant retardement du service dud. S-T. Et quant aux rentes constituées sur lesd, assigna­tions, seront racheptées le plus tost que faire ce pourra, à mesure que l'argent des plus valleurs desd, assignations y sera; et se commenceront à faire lesd, rachaptz aux plus petites sommes et constitu­tions, par ce que les comptes de lad. Ville sont groz et de grant coustz, et en ce faisant demeureront au prouffit dud. Ssr et de lad. Ville.
DCCCLX. — [Pour la cottisation des villes clozes de la Prevosté et Viconte de Paris.]
3i décembre 1556. (Fol. 2 23 v°.)
Du dernier jour de Decembre vc lvi.
Au jour d'uy, me Pierre Vallet, clerc du greffe civil du Chastelet de Paris, a apporté au Bureau de l'Ostel de lad. Ville une commission du Roy adres­sant à Monsr le Prevost de Paris ou son Lieutenant, données à Sainct Germain en Laye le xxvue jour de Novembre dernier passé mil vc lvi , signées : Hurault , et scellées du grand scel dud. Sgr'2', pour cottiser les villes clozes de la Prevosté et Viconte de Paris, jus-
ques à la somme de cent mil livres tournois pour les causes contenues esd. Lettres : dont led. Vallet a re­quis acte qui lui a esté octroyé.
Ce faict, a esté expedié mandemens à Mess™ les Conseillers, pour venir samedi prochain en l'Ostel de lad. Ville à une heure de relevée pour oyr la lec­ture de lad. commission, et donner leurs avis sur icelle.
DCCCLXI.— Villes de la Prevosté et Viconte de Paris
TAXÉES POUR LES L M. HOMMES DE PIED. 3i décembre i566. (Fol. 224 r°.)
ir Ensuit la taxe et cottization faitte par nous, Jehan Mosjiier, Conseiller du Roy Nostre Sire et Lieutenant civil de la Prevosté de Paris, en la presence des gens du Roy nostre Sire en icelluy Chastellet y estans, des villes dotes de la Prevosté et Viconte de Paris, suyvant les Lettres patentes dud. S-r données à Sainct Germain en Laye le xxixe jour de Novembre dernier passé, signées : Par le Roy, Hurault f2', et scellées sur simple queue de cire jaulne; pour raison de la contribution de la somme de cent mil livres tournois, octroyée au Roy Nostred. Sire pour faire partie de la soulde de cinquante mil hommes à pied du­rant quatre moys, comme il s'ensuit : Premierement,
La ville et faulxbourgs de Paris, la somme de
quatre vingtz dix huit mil cinq cens soixante livres tournois.
La ville et faulxbourgs Sainct Denis en France, cent quarante livres tournois.
La ville et faulxbourgs de Bray Conte Robert, huit vingtz quinze livres tournois.
La ville et faulxbourgs de Corbueil, huit vingtz quinze livres tournois.
La ville et faulxbourgs de Tournan en Brye, soixante et dix huit livres tournois.
La ville et faulxbourgs de La Ferté Aucoul, cin­quante six livres tournois.
La ville et faulxbourgs de Puiseaulx, cinquante six livres tournois.
f) Lettres en date du 12 décembre, rapportées ci-dessus art. DCCCLVII. -8' Ces Lettres n'ont pas été transcrites au Registre.